"Оқу үдерісінде Н.А. Оразахынованың «Сатылай кешенді оқыту» технологиясын қолданудың тиімділігі" бойынша семинар

Балуан Шолақ атындағы мектеп-лицейде тағы да бір елеулі оқиға болды. Мектебімізге Абай атындағы Қазақ Ұлттық педагогикалық университетінің қазақ тілі кафедрасының профессоры, педагогика ғылымының докторы "Сатылай кешенді оқыту" технологиясының авторы Н.А.Оразахынова келді. Мектепте "Оқу үдерісінде Н.А.Оразахынова "Сатылай кешенді оқыту" технологиясын қолданудың тиімділігі" тақырыбында семинар өтті. Осы технологияны қолданушы мұғалімдер Қожақанова Г.Т., Жексенбі Алтынгүл, Теңсел Назгүл, Хажихан Самалхан, Бахтыбаева А.К., Теңсел Жанар, Нурмуканова Т.К. және Теңсел Бердігүл, Хасихан Еңліктер ашық сабақтар берсе, 6 сыныптар арасында 6 пәннен олимпиада өтті. Жеңімпаз атанған 3 оқушы наурыз айында Қапшағайда өтетін Республикалық олимпиадаға жолдама алды. Алгебра пәні мұғалімі Хасихан Еңлік "Сатылай кешенді оқыту" технологиясы бойынша дайындаған авторлық бағдарламасының презентациясын жасады. Семинар жоғары деңгейде өтті. Ең бастысы автордың өзімен кездесу, ол кісіден бағыт-бағдар алу, мектеп ұжымы үшін ұмытылмас, шығармашылық жетістікке жетелейтін іс-шара болғаны анық.